აჭარის ავტონომიური რესპუბლიკის მთავრობის აპარატი, მთავრობის სახლი
ეს სამსართულიანი კუთხის შენობა XX საუკუნის დასაწყისშია აგებული. მისი მფლობელი იყო ი. ჩერტკოვი. ამჟამად კი, აქ აჭარის მთავრობის ადმინისტრაციაა განთავსებული.
შენობა ქვის, მაღალ, რუსტირებულ ცოკოლზე დგას. მისი სიმეტრიულად განაწილებული ფასადი სარკმელთა მართკუთხა ღიობებითაა დანაწევრებული. სწორკუთხა მოყვანილობის შესასვლელი შენობის ცენტრშია გაჭრილი, რომელიც ფლანკირებულია ცოკოლზე დაფუძნებული მრგვალი სვეტებით. მეორე და მესამე სართულების დონეზე ასევე გვხვდება შეწყვილებული სარკმლებიც.