საცხოვრებელი სახლი2 სართული
- კედლების მასალააგური
საინტერესო შენობა ჭავჭავაძეზე
ეს ორსართულიანი შენობა, რომელიც XX საუკუნის დასაწყისში აიგო, ორი ქუჩის კვეთაში დგას. მისი ერთი ფასადი ილია ჭავჭავაძის ქუჩაზე, ხოლო მეორე მეტაქსას ქუჩაზე გადის. ქუჩების გადაკვეთის ადგილას კი ვიწრო წიბოს ფასადია. შენობის პირველი სართული ილია ჭავჭავაძის ქუჩის მხარეს დიდი ზომის ვიტრინებითაა დანაწევრებული. ვიწრო ფასადი და ვიტრინები შუა კედლისებრი ჰორიზონტალური ხაზებითაა დასერილი. სიმეტრიის შუა ღერძზე სადარბაზოში შესასვლელი კარია განთავსებული, რომელსაც ლითონის აჟურული, ორფერდა წინფრა ამშვენებს. იგივე სართული მეტაქსას ქუჩის მხარეს ყრუ და სადაა, აქა-იქ პატარა, სწორკუთხა სარკმლებით. სართული პროფილირებული სარტყელით სრულდება. პირველთან შედარებით, მეორე სართული უხვადაა მორთული. ორივე ჰორიზონტალური ხაზებით დასერილი ფასადი სწორკუთხა ღიობებითაა დანაწევრებული. ილია ჭავჭავაძის ქუჩის მხარეს ორი აჟურულმოაჯირიანი ლითონის შეკიდული აივანია. წიბოს ფასადის ნაწილში კი გლუვი კედელია. მოსართავად გამოყენებულია ისეთი არქიტექტურული დეტალები, როგორიცაა: კორინთული და იონური კაპიტელებიანი, კანელურებით დაღარული პილასტრები, მშვილდა ფრონტონები, პროფილირებული თაროები, საჭექი ქვები და ლომის სკულპტურული თავები. მთლიანად შენობა მცენარეული ორნამენტით დაფარული, ორ პროფილირებულ სარტყელს შორის მოქცეული ფრიზითა და მისი დამაგვირგვინებელი შვერილი კარნიზით სრულდება. კარნიზი ქვევიდან პატარა კრონშტეინების მწკრივითაა შემაგრებული. შენობა ოთხქანობა სახურავითაა გადახურული, რომლის სხვენშიც მანსარდაა მოწყობილი. მანსარდის სწორკუთხა ფანჯრები ორქანობა გადახურვის ქვეშაა მოქცეული. ეს ნაგებობა ქალაქგეგმარებითი თვალსაზრისით საყურადღებოა. ასევე, ყურადღებას იმსახურებს მორთულობის შესრულების მაღალი დონე და მოხატული სადარბაზოს დეკორიცნობარში
ტრანსპორტი
Ილია ჭავჭავაძის ქ.76 · 10971 წთ150 მ
🍪
ჩვენ ვიყენებთcookies ვრცლად