საცხოვრებელი სახლი2 სართული
- კედლების მასალააგური
სტეფან ზუბალაშვილი ქუჩა, 16
ლ. კოკოჩევისა და გ. ნიკიტინის საცხოვრებელი სახლი 1902 წელს აიგო. მის პირველ სართულზე აფთიაქი იყო განთავსებული, რომელიც საბჭოთა პერიოდშიც ფუნქციონირებდა. ორი ქუჩის კუთხეში მდგარ ორსართულიან შენობას მომრგვალებული კუთხე აქვს. მისი ფასადები კლასიცისტური სტილის ელემენტებითაა გაფორმებული. საფასადო სიბრტყე დაყოფილია სართულშუა პროფილირებული და კბილანებიანი კარნიზით. ნაგებობას ორივე ფასადის შუა ნაწილებსა და მომრგვალებულ კუთხესთან აჟურულმოაჯირიანი აივანი აქვს. მათგან კუთხის აივანს ფიგურული კრონშტეინებიც ამშვენებს. სადარბაზოს ორი კარი, მათ შორის განთავსებული ეზოში შესასვლელი ჭიშკრით, ს. ზუბალაშვილის ქუჩისკენ განთავსებული მკლავის ბოლოშია. სახლის ორივე სართული დანაწევრებულია თაღოვანი ღიობებით. ღიობთა მორთულობა რენესანსული არქიტექტურის რეპერტუარიდანაა აღებული. შენობა დასრულებულია კბილანების მწკრივის მქონე პროფილირებული კარნიზით, რომელსაც დაბალი პარაპეტი აგვირგვინებს. შენობის კუთხის ნაწილში მანსარდაა მოწყობილი, რომლის გლუვი კედელიც თაღოვანი ფანჯრებითაა დანაწევრებული. სახლის ეკლექტური ფასადების მორთულობა მაღალი ოსტატობით გამოირჩევა და ქუჩის აღნიშნულ მონაკვეთში აქტიურ როლს თამაშობს.ტრანსპორტი
Ნიკოლოზ ბარათაშვილის ქ. 45 · 10432 წთ200 მ
🍪
ჩვენ ვიყენებთcookies ვრცლად