უშგული
უშგული სვანეთში, მესტიის მუნიციპალიტეტში მდებარე თემია, რომელიც ოთხ სოფელს მოიცავს.უშგულის თემის სიმაღლე ზღვის დონიდან 2060 მეტრიდან 2200 მეტრამდე მერყეობს და 2014 წლამდე ევროპის ყველაზე მაღალ დასახლებად მიიჩნეოდა.უშგულის სოფელი ჩაჟაში იუნესკოს მსოფლიოს კულტურული მემკვიდრეობის ძეგლთა ნუსხაშია. შხარას საოცარი ხედი, სვანური კოშკები და უძველესი ტაძრები უნიკალური მოხატულობით ეგზოტიკურ და ზღაპრულ გარემოს ქმნის. ეს ადგილი საინტერესო და მიმზიდველია, როგორც ბუნებისა და ლაშქრობის მოყვარულთათვის, ასევე კულტურითა და ისტორიით დაინტერესებულთათვის. უშგულის ღირსშესანიშნაობებიდან განსაკუთრებით აღსანიშნავია: უშგულის ლამარია, თამარის საზაფხულო და საზამთრო რეზიდენციები, ჩაჟაშის მაცხოვრის ეკლესია, უშგულის ეთნოგრაფიული მუზეუმი, მურყმელის მაცხოვრის ეკლესია და სხვა.ცნობარში
🍪
ჩვენ ვიყენებთcookies ვრცლად